Espa�ol English F�royskt

FaroeSoccer skrásetur nú upplegg

mikudagur 4. mars 2020
Mál koma sjáldan – um nakrantíð – av sær sjálvum. Sum nakað nýtt fer FaroeSoccer nú at skráseta upplegg til mál í Betri Deildini hjá monnum og kvinnum. Leiðreglur um upplegg eru eisini gjørdar í hesum sambandi.

FaroeSoccer roynir alla tíðina at leggja afturat og betra um tænastuna, hóast hetta ikki altíð hendir so skjótt og umfatandi, sum vit kundu ynskt okkum.

Nú tá allir dystirnir í Betri Deildini hjá monnum verða sjónvarpaðir, er munandi høgligari hjá FaroeSoccer at staðfesta, hvør leggur upp til málini, hetta uttan at “plága” onnur fólk.

Men hóast dystirnir í Betri Deildini hjá kvinnum tíverri ikki verða sjónvarpaðir (hví ikki?), so ætlar FaroeSoccer ikki at gera nakran mismun, men hetta krevur bara meira av okkum. Í sambandi við hetta arbeiðið vóna og vænta vit gott samstarv við øll kvinnuliðini í Betri Deildini.

Tað finnast (nokkso) greiðar altjóða reglur fyri, hvat er eitt upplegg og ikki, eitt nú hjá UEFA og FIFA. Hesar reglur eru grundarlagið undir leiðreglunum, sum FaroeSoccer brúkar at skráseta eftir. Leiðreglur okkara kunnu lesast her á heimasíðuni undir YMISKT > UPPLEGG.

FaroeSoccer metir, at kanska umleið 90% av øllum uppleggum koma undir nevndu leiðreglur, restin kann stundum vera eitt ivamál, tí so nógvar óvæntaðar og løgnar støður kunnu stinga seg upp í fótbólti. Hesi ivamál taka vit við liðini, tá tey henda. Um eitt upplegg verður skrásett skeivt, so ávirkar tað hvørki nakað úrslit ella nakra støðu.

FaroeSoccer ynskir at skráseta upplegg, tí vit halda at hesi hagtølini eru áhugaverd og upplýsandi.

Gevið gætur!
Tað kann vera, at hendan nýggja funkan ikki er forritað liðug, tá kappingin byrjar, men uppleggini verða skrásett allíkavæl, og so skjótt sum funkan er klár, so sæst alt á FaroeSoccer.

Hetta árið er at rokna sum eitt "royndarár", har vit eitt nú eftirmeta leiðreglurnar eftir lokið kappingarár.

comments powered by Disqus
Kunning um dagføring av dystum á FaroeSoccer
Til allar brúkarar okkara

Allir dómaraseðlar á FaroeSoccer frá heimligu kappingunum verða vístir við loyvi frá FSF. Síðani 2017 eru allir dómaraseðlar skrásettir elektroniskt í Comet-skipanini hjá FSF, sum FaroeSoccer hevur atgongd til.

Hetta merkir, at tað ber illa til hjá FaroeSoccer at leggja øll fakta frá einum dysti út, áðrenn dómarin er liðugur at skráseta dystin í Comet, og tað hendir tíverri verri enn so altíð beint eftir leiklok. 

Er nakar trupulleiki ella okkurt at spyrja um, so eru tit vælkomin at ringja á 520515/320515 ella skriva til fotboltshagtol@gmail.com.


Dystartíðir

Gevið gætur at dystartíðirnar fyri komandi dystir á FaroeSoccer eru einans vegleiðandi. Dystartíðirnar í Comet-skipanini hjá FSF eru tær galdandi tíðirnar til eina og hvørja tíð.

Samstarvsfelagar
2010-2019